السلام عليكم ورحمة الله وبركاته
هذي قصيده مهداه لعنزتي
وكلـ من عندهـ عنزهـ مدلعهـ
عنزتي يا عنزتي احذري من كـل تيـس
والحذر كل الحذر من ردييـن التيـوس
لو يجونك في الخلا فزي فزت مرسيدس
واضحكي ياعنزتي لا يجي وجهك عبوس
وان شعرتي بالخطر ولا اشتد الوطيـس
وقفي مثل الأسد وقولي من يقدر يبـوس
قولي لتيوس الردى الخساسـه للخسيـس
والله اللي يقترب لقطعـة تقطيـع مـوس
عنزتي ماسافرت فـي محطـة اتوبيـس
غاليه وان سافرت بالجيوب وبالجمـوس
وان مشت في كبرياء مشيت الحاكم لويـس
وان مشت وسط الغنم كلهم صاروا جلوس
عنزتي ما تشتهي بالشعير فك كيس
نفسها عند الأكـل مـا تشابـه بالنفـوس
ما تبي الا سفاتـي مـع خبـز التميـس
فوقه سمسم من سام سام وتوه محمـوس
البطاطس والبافاك تاكله عصر الخميـس
واسنكر ومعها حليـب يتقـدم بالكـؤوس
عنزتي يا عنزتي هيـه يالـدر النفيـس
غاليه يـا عنزتـي مانبيعـك بالفلـوس
الإثنين أغسطس 04, 2008 10:08 am
